Blog

كورسات جوجل المجانية لأهم مجالات سوق العمل 2021 | هتغير حياتك ومستقبلك Google Career Certificates

كورسات جوجل المجانية لأهم مجالات سوق العمل 2021 | هتغير حياتك ومستقبلك Google Career Certificates

تفاصيل مباردة كورسات جوجل المجانية (Grow With Google)

جوجل أطلقت مسارات تعليمية تحت اسم “شهادات جوجل المهنية” (Google Career Certificates) ودي بتقدم أساسيات مجالات كتيرة للناس يذاكروها، ويقدروا بعدها يشتغلوا أول شغل كـentry-level job وبعده يكتسبوا خبرة ويترقوا وخلافه.
المسار من دول بيكون متكون من حوالي 7 كورسات مثلًا، وجوجل بتقول إن المسار الواحد تقدر تخلصه في 6 شهور بمعدل مذاكرة 10 ساعات بس كل أسبوع.. حلو؟


مميزات كورسات جوجل المجانية

جوجل بتخطط إنها بالمسارات دي تحل كذا مشكلة: 

  • إنها تقلل من نسبة البطالة في أمريكا بشكل أساسي-خلينا نكون صريحين- وفي العالم كله عموما. 
  • إنها تساعد الناس اللي مش قادرة تدخل جامعة -أغلب الجامعات في أمريكا غالية فعلا- إنها تذاكر نفس محتوى الجامعات وتشتغل.
  • تسد الفجوة بين الدراسة والخبرة؛ فـ المسارات دي بيبقى فيها مشاريع بيشتغل عليها الطالب
    ولما بيخلص المسار بيبقى أنجز كذا مشروع -غالبا بيكونوا من 1 لـ3- يقدر يذكرهم في البورتفوليو/السي في بتاعه.

والكلام ده قاله الأخ Kent Walker، نائب الشئون العالمية في جوجل، مش تحليلي الشخصي يعني.

مش بس كده، جوجل بتقدم 200 ألف فرصة لحاجة اسمها Apprenticeship،
ودي زي المنحات الدراسية لكنها منحة لممارسة المجالات دي بشكل عملي بعد ما الناس هتدرسها، عشان يبدأوا كمان في اكتساب خبرة عملية على أرض الواقع، في أماكن زي أمريكا وأوروبا والشرق الأوسط وأفريقيا.


كورسات جوجل المجانية لأهم مجالات سوق العمل

المجالات المتاحة:

  1. Project Management 
  2. IT support 
  3. Data Analytics
  4. UX Design
  5. Android Development

لينك الكورسات والتفاصيل من هنا


1- مسار دراسة تحليل البيانات:

جوجل بتقول إن فيه 15 ألف وظيفة متاحة في أمريكا لمحللي البيانات
اللي لسه بادئين شغلهم بمتوسط رواتب حوالي 63 ألف دولار أمريكي سنويا. 
والمسار ده مكون من 7 كورسات
هياخد بإيدك لدخول عالم تحليل البيانات وتعرف منه كل شيء يساعدك تبدأ أول وظيفة ليك.

رابط مسار تحليل البيانات

2- مسار تعلم إدارة المشاريع:

وفقا لكلام معهد إدارة المشاريع the Project Management Institute
فبحلول سنة 2027 هيكون فيه حوالي 2.2 مليون وظيفة متاحة في إدارة المشاريع، وجوجل بتقول إن المسار المكون من 6 كورسات
رابط مسار ادراة المشاريع

3- مسار تصميم تجربة المستخدم UX:

جوجل بتقول إن مُرتبات مصممي تجربة المستخدم متوقع له يزيد بشكل مطرد مع الوقت، وإن راتب المصمم المبتدأ منهم في أمريكا بيكون حوالي 82 ألف دولار سنويا.

رابط مسار تجربة المستخدم UX

4- مسار عن الـIT 

وجوجل هنا بتخيرك بين حاجتين: لو عايز تتعلم مجال الـ IT من الصفر فبتتعلم
كل شيء عن أساسياته من الشبكات لأنظمة التشغيل وخلافه في 5 كورسات مخصصين لتعليمك كل شيء.
أو لو كنت ممارس للمجال ده، فعندهم مسار تاني مكون من 6 كورسات
بيركزوا على تعليمك بايثون وGit وGitHub وبيتكلموا عن ازاي تستخدم الـautomation في شغلك، إلخ.. في 6 كورسات بس.

رابط مسار IT

5- مسار برمجة تطبيقات الاندرويد

توضيح المسار ده مش متاح على كورسيرا.جوجل بتقول إنك مش محتاج يكون عندك أي خلفية برمجية عشان تبدأ فيه. ده كورس مش مسار، متاح منه 3 وحدات بس، والباقي تحت التطوير، ممكن تبدأ فيه بالراحة، الكورس تفاعلي وممتع كعادة كورسات جوجل.

رابط تطبيقات الاندرويد


كيفية الحصول على شهادات جوجل المجانية 

شوف الفيديو ده عشان تعرف خطوات الحصول على الكورسات دى وشهادة من جوجل مجانا بدل ما تدفع فلوس

يمكنك معرفة معلومات أكتر من هذا الفيديو للأستاذ أحمد السيسي مؤسس مدونة نادي القراءة العملية من هنا

لنبقي علي تواصل

صفحتنا علي الفيسبوك المنحة

قناتنا علي تلجرام المنحة

حسابنا علي انستجرام

حسابنا علي لينكد ان

حسابنا علي تويتر

مجموعتنا المخصصة للمنح الدراسية

من هنا

السابق
منحة البنك الإسلامي والحكومة التركية للدراسة في تركيا 2021 (ممولة بالكامل)
التالي
فرصة التقديم في برنامج OIST التدريبى في اليابان بمعهد Okinawa للعلوم والتكنولوجيا 2021 (ممول بالكامل)