الأداة اللى جوجل أعلنت عنها من فترة قليلة هتغير طريقة بحثنا فى الكتب … فى الواقع هتخلينا نتكلم للكتب إذا صح التعبير ودا عن طريق مربع بحث جديد معتمد على الـ Machine learning قامت جوجل بتطويره عبر قاعدة بيانات فيها بلايين الجمل وأكثر من 100 ألف كتاب!
الفكرة هنا ان حضرتك لو حابب تبحث عن اجابة لسؤال معين أو جملة معينة او مقولة في كتاب أو في عدة كتب فهتلاقي الاجابة فى نتائج البحث شكل عدة خانات. كل خانة فيها اسم الكتاب والمقولة أو المقولة المشابهة للي بتبحث عنها واسم الكتاب ودار النشر وسنة الطبع واسم المؤلف وصورة للكتاب, وكل دا بسرعة خاطفة للأنظار.
الأداة دي هتفيد طلبة الدراسات العليا وشباب الباحثين بشكل خرافي, تخيل بدل لما تبحث عن عناصر الورقة البحثية او مشروع تخرج شغالين عليه وتضطر تبحث فى المكتبات العامة وسط أطنان الكتب وكتاب تجد فيه مرادك وكتاب آخر بعيد كل البعد عما تبحث عنه؟ جوجل هنا وفرت لك وقت البحث والتنقيب بين الكتب واختصرت عليك الوقت جدا.
جربوا الاداة دي وان شاء الله تفيدكم جدا واعملوا شير لكل حد محتاجها للتسهيل عليه ومساعدته واختصار الوقت الكثير.
لينك الاداة من جوجل : من هنا
