مقالات

كيف تبني بروفايل قوي علي LinkedIn لينكدان ؟

كيف تبني بروفايل قوي علي LinkedIn لينكدان ؟

نبذة عن موقع LinkedIn

يعتبر LinkedIn واحد من أهم مواقع التواصل على المستوى المهنى و دا عشان موجود عليه أكتر من 120 مليون مستخدم من جميع أنحاء العالم و دا بيتيحلك اتصال دائم بالناس اللى بيشاركوك بعض النقط و الاهتمامات على المستوى المهنى
يعد موقع LinkedIn من أهم وأكبر شبكة تواصل على المستوى المهني وحيث يضم أكثر من 120 مليون مستخدم من جميع أنحاء العالم، أهميته تكمن في أنه يجعلك متصل دائماً مع كل من تعرفهم حتى تتبادل معهم المعرفة والأفكار والفرص.

تابعوا صفحة منح دراسية على لينكدإن من هنا


طب ليه لازم يبقا عندنا أكونت علي LinkedIn ؟؟

1- عشان يسوقك مهنياً
لو أى حد عمل search عنك على Google من أول الحاجات اللى هتظهرله هو الأكونت بتاعك على LinkedIn و دا طبعاً بيدى انطباع كويس عن الناس و العملاء بتوعك عنك .

2- هتخليك على الخط
كل يوم على LinkedIn بيبقا موجود أخبار جديدة عن ريادة الأعمال و المشاريع الجديدة اللى بتتعمل و كمان لو فرص عمل متاحة .. الشركات بتنزلها عليه ..

3- تعرف الناس الجامدة فى مجال شغلك
و انت على LinkedIn بيبقا متاح ليك انك تبحث و تدور على كل حاجة موثوق منها متعلقة بمجال عملك و ممكن تدور على أى حاجة انت عاوزها عن أى حد خبير انت عارفه سواء بانك تبحث بالاسم أو الوظيفة أو الموقع الجغرافي أو الشركة أو أي كلمة متعلقة باللى بتبحث عنه.

4- قناص الفرص
لو كنت بتدور على وظيفة أو عاوز عملاء جداد أو حتى عاوز تثبت نفسك على المستوى المهنى .. كل دا LinkedIn هيحققهلوك لأنه هيساعدك انك تلاقى فرص عمل كويسة جداً و مناسبة ليك بالإضافة لإنه هيخليك توسع نطاق شغلك عن ريق العملاء الجداد اللى هيعرفوك عن طريقه.


نصائح هتساعدك في بناء بروفايل قوي علي LinkedIn

1- الصورة الشخصية Profile Picture
—————————————–
– خلي صورة بروفايلك صورة إحترافية بتوضح وجهك كويس جدًا وإنت مبتسم وبخلفية مناسبة لأن صورتك هي أول ما يراه الآخرون وبتديهم الإنطباع الأول عنك، ونبعد عن الصور المعتادة في مواقع التواصل التانية زي الفيس بوك وتويتر .
– لما تكون صورتك واضحة وجودتها قوية ده بيزيد من فرص ظهور حسابك للآخرين علي لينكدان.

2- العنوان الرئيسي Profile Headline
——————————————
العنوان الرئيسى هو أول جزء بيظهر فى ال Profile ، وبدل ما تكتب فيه منصبك الحالى بس، حاول تسوق لنفسك بشكل مميز أكتر وتذكر اللي إنت مميز فىه أو ما هي الإضافة اللي بتضيفها فى مجالك. وماتنساش إضافة المجال أو الصناعة (industry) اللي بتشتغل فيها.

3- الملخص Summary
————————–
– يجب أن تهتم بالملخص لأنه من أهم ما يجذب الباحثي عن موظفين، إكتب نبذة مُختصرة عنك تحتوي على كلمات مفتاحية Keywords علشان تقدر الناس الوصول إليك لما يقوموا بالبحث بيها.
– تقدر تكتب الملخص عن طريق الإجابة على الأسئلة دي (من أنت – ماذا تفعل – مالذي يميزك في تخصصك – كيف أستطيع أن أستفيد منك وما الذي ستقدمه لي – كيفية التواصل معك).
– ممكن كمان في الجزء ده ترفع سيرتك الذاتية ولازم تكون مسوق لنفسك فيها بطريقه صحيحه واحترافية.

4- خبرات العمل Experiences
———————————-
ما تكتبش فقط الوصف الوظيفي لعملك ولكن حاول إنك تخرج خارج الدائرة دي وإنك تعرض اللي حققته في عملك من إنجازات ومهام مهمة وإزاي أضفت قيمة في عملك أو إزاي حليت مشكلة مريت بها في عملك.

5- المهارات والتزكيات Skills and Endorsements
——————————————————-
في الجزء ده إعرض ما تملكه من مهارات واللي بتعرضك كشخص من أفضل الموجودين في مجالك ، أما التزكيات فهي تأكيد من أشخاص علي تلك المهارات يكونوا إشتغلوا معاك قبل كده وإنك فعلًا تمتلكها.

6- المشاريع Projects
————————-
في الجزء ده تقدر تكتب أى مشاريع إشتركت بها أو ورش عمل أو حتى فريق بحث وده هيساعدك إن تعرض إنجازاتك فى مجالك بشكل أفضل.

7- الأصدقاء أو العلاقات Connections
—————————————–
– حاول إن يكون عندك أكتر من 500 Connection على لينكدان بنسبة 60% فى مجالك والباقى يكون من باقي المجالات ونسبة للموظفين في مجال الموارد البشرية HR فى الشركات اللي بتحلم إنك تشتغل فيها، لأن قوة لينكدان فى شبكة العلاقات Network اللى بتمتلكها، ومدى تواصلك معهم.
– تقدر كمان إنك تضيف الأشخاص اللي درست في نفس كليتك عن طريق إختيار في الموقع إسمه Find Alumni (زميل الدراسه) واللي بيعرفك علي كل اللي درسوا معاك في نفس كليتك.

8- التوصيات Recommendations
————————————–
حاول إنن يكون عندك أكتر من توصية على أكتر من منصب عندك علشان يبقى عندك مصداقية أكبر تميزك وتقدر تحصل على توصيات عن طريق طلبها من الأشخاص اللى إشتغلت معاهم مباشرة.

9- المجموعات Groups
————————–
اشترك فى الـGroups اللي تخص مجالك، ويكون ليك نشاط عليها زي كتابة مواضيع مفيده، تجاوب على أسئلة أشخاص في الجروبات دي، وتعلّق علي موضوعات الآخرين علشان يزيد معدل ظهورك وتشعر الناس بوجودك.

10- الوسائط المتعدده Multimedia
—————————————-
الخاصية دي بتوفرلك إرفاق صور أو Presentation أو ملفات لل Profile الخاص بيك بمعنى إنك تقدر ترفق صور ليك أثناء عملك فى كل منصب أو ملفات معينة متعلقة بمجالك أو نماذج عمل من عملك لو إنت مصمم مثلاً .

11- الدورات التدريبيه،الشهادات وخبرات التطوع Courses, Certificates and Volunteer experience
————————————————-
ضيف الدورات التدريبة اللي حصلت عليها سواء كانت من غير شهادة أو بشهادة وسواء كانت أونلاين عن طريق الإنترنت أو علي أرض الواقع، وما تنساش الخبرات التطوعيه لإن كتير جدًا من الشركات بتهتم بخبرات التطوعية … بالتوفيق للجميع .
في الآخر في ملحوظة مهمة: كل ما تقضي وقت أطول علي لينكدان كل ماهتتعلم فيه أكتر وهتستفاد منه ، اديله من وقتك كل يوم 10 دقايق هتفرق جدًا معاك.


حسابي على لينكدإن من هنا

صفحة منح دراسية على لينكدإن من هنا


المصدر Summer Training & Jobs

لنبقي علي تواصل

صفحتنا علي الفيسبوك المنحة

قناتنا علي تلجرام المنحة

حسابنا علي انستجرام

حسابنا علي لينكد ان

حسابنا علي تويتر

مجموعتنا المخصصة للمنح الدراسية

من هنا

السابق
منحة معهد الدوحة للدراسات العليا في قطر 2020 (ممولة بالكامل)
التالي
منحة الحكومة الهنغارية ومنظمة الأغذية والزراعة 2021 ممولة بالكامل
شاهد أيضاً

اترك تعليقاً