ما لا تعرفه عن الإيميل الجامعي وكيفية الحصول عليه ؟؟ تخيل إن أنت كطالب جامعي معاك 5000 دولار في جيبك مش بتستخدمهم والرقم صحيح بجد إنت معاك المبلغ ده لكن متعرفش عنه حاجة. المبلغ ده مصدر إن أي طالب جامعي على مستوى الجامعات المصرية والعربية والأجنبية في كل العالم عنده إيميل خاص اسمه اللإيميل الجامعي أو Student Account
الإيميل الجامعي ه إيميل بيكون الإمتداد الخاص بيه بينتهي ب edu ومعنى إن انت عندك الإيميل ده فانت بتمتلك خدمات قيمتها لا تقل عن 5000 دولار وهو يعتبر شبه الكارنيه الجامعي بتاعك بس تسخدمه على النت وليس يدوي.
الإيميل الجامعي بيوفرلك مميزات تقدر تستخدمها ودي بتكون عبارة عن تعاون أو شراكة بين الجامعات والشركات الكبرى بحيث إنها تقدم دعم ومساعدة لكل طلاب العالم في مختلف المجالات بشكل مجاني أو بتخفيض كبير بيحث تقدر تستخدم خدماتهم بشكل مجاني بدون أي مشاكل.
خطوات الحصول على الإيميل الجامعي
1- هتتوجه لوحدة ال IT في جامعةتك أو كليتك أو اسمها وحدة تكنولوجيا المعلومات.
2- هتقدم طلب بإنك عايز تعمل ايميل جامعي .
3- بتملى أبلكيشن التقديم للحصول على الإيميل الجامعي الخاص بيك بيكون عبارة عن إنك بتكتب معلوماتك الشخصية وكدة وأحيانا بيكون ثمنه 5 جنيه أو مجاني حسب الكلية أو الجامعة.
4- بعد ما تحصل على الإيميل الجامعي من الخاص بيك بيكون معاه به كلمة السر المبدأية يجب تفعيله من خلال الدخول على الرابط ويمكنك تغيير الرقم السري بكل سهولة.
ملحوظة: بعض الجامعات بتنزل على موقعها الالكتروني لينك للطالب بحيث إنهم يدخل الرقم القومي بتاعه فيظهر الايمل الجامعي الخاص بيه والباسوورد المبدأي في ثواني ويقدر كمان يفعله بكل سهولة.
خطوات تفعيل الايميل الجامعي
- بعد ما بتاخد بيانات الايميل بتاعك بتدخل على موقع ميكروسوفت وبتعمل تسجيل دخول وبتكتب البيانات بتاعتك
- هيطلب منك تعمل باسورد جديد غير اللى انت استلمته من الجامعة
- اتاكد ان الباسورد الجديد قوى وفيه حروف كابيتال وأرقام وهكذا، واحفظه فى مكان أمين
- بعدها هيطلب منك تدخل ايميل تانى عشان يقدر يوصلك عليه لو حصل اى حاجة لايميل الجامعة
- بتدخل ايميلك الشخصي عادى ويفضل يكون عندك ايميل على الجيميل
- اخر خطوة بتدخل على Outlook وبتدخل بيانات ايميل الجامعة بتاعك عشان تتابع من هناك كل حاجة تجيلك عليه
ما هي مميزات الإيميل الجامعي
تحميل جميع منتجات شركة مايكروسوفت العالمية مجاناً بمعني إنك هتقدر تحصل على نسخة ويندوز أصلية من مصدرها الرسمي وكمان تقدر تحمل برامج Office مجاناً وده كله لمجرد إنك معاك ايميل جامعي
تقدر تحمل البرامج من هنا.
برامج Autodesk
تحميل البرامج الهندسية الشهيرة الخاصة ب Autodesk ودي برامج بيشتغل عليها المهندسين زي 3d max وزي Autocad وزي Maya وده كله بشكل مجاني وونسخ أصلية بدون أي مشاكل.
تقدر تحمل البرامج من هنا.
برامج JetBrains
لو مجال دراستك مهتم بالبرمجة فأكيد انت هتكون محتاج برامج شركة JetBrains أسعار برامجها فوق 300 دولار لكن انت هتحصل عليها بشكل مجاني لو معاك الايميل الجامعي.
تقدر تحمل البرامج من هنا.
برامج Adobe
شركة Adobe بتوفر خصومات ما بين 60 % -70% على كل منتجاتها لمجرد انك طالب جامعي يعني هتقدر تحصل على الفوتوشوب وبريميير وكل البرامج دي بخصم كبير ونسخ أصلية.
تقدر تحمل من هنا.
خدمات Amazon
الحصول على خدمات مجانية مقدمة من شركة Amazon العالمية للطلاب لجامعيين.
تقدر تشوف الخادمات من هنا.
برنامج Prezi
هتقدر تحصل على النسخة الأصلية بشكل مجاني من برنامج Prezi عملاق العروض التقديمية وال Presentations تقدر تمتلك البرنامج الأصلي من خلال الإيميل الجامعي .
تقدر تحمل البرنامج من هنا.
شركة WestHost
هتقدر تحصل علىاستضافة مجانية لمدة سنة من شركة WestHost عملاق الإستضافات عشان تقدر يبقى ليك موقعك الخاص.
تقدر تشترك فيها من هنا.
برنامج RipTiger
مجرد امتلاك للايميل الجامعي تقدر تحصل على برنامج RipTiger وهو أفضل وأشهر برنامج لتحميل الفيديوهات تلقائيا من المتصفح اللى انت بتستخدمه ده غير إنه بيحمل أي مواد تانية متعلقة بالفيديو.
تقدر تحمل البرنامج من هنا.
حزمة Githube
ودي من أهم وأفضل مميزات الايميل الجامعي فشركة Githube العالمية بتوفرلك حزمة خدمات ومنتجات وبرامج قيمتها أكتر من 2000 دولار.
تقدر تتعرف عليها من هنا.
منصة Research Gate
يساعد الطالب باستخدام “Research Gate”- وهو موقع شبيه بمنصة لينكدان للتواصل مع الباحثين في شتى المجالات من جميع أنحاء العالم، فقط يمكنك السؤال عن أي تخصص بأي مجال وستجد من يقوم بالرد على تساؤلاتك لنفس التخصص.
تقدر تسجل فيه من هنا
في هذا الفيديو شرح كافي ووافي عن افضل طرق الاستفادة من البريد الجامعي. هذا الفيديو مقدم من الاستاذ أحمد السيسي
