منح بكالوريوس

منح الجامعات الخاصة المصرية لطلاب الثانوية العامة 2023

منح الجامعات الخاصة المصرية لطلاب الثانوية العامة 2023

تعرّف على منحة الجامعات الخاصة المصرية لطلاب الراغبين بدراسة المرحلة الجامعية الأولى بعد الثانوية مباشرة.

طلاب الثانوية العاملة اللي خلصوا امتحانات الف مبروك وإن شاء الله كل واحد يجيب المجموع اللي بيحلم بيه ويدخل اللي الكلية اللي نفسه فيها نركز بقي يا شباب ويا بنات في الكلام الخطير ده لأننا هنتكلم عن منح الجامعات الخاصة المصرية لطلاب الثانوية العامة.

أعلنت الجامعات الخاصة والأهلية في مصر عن توفير منح دراسية للطلاب المتميزيين و الأوائل في الثانوية العامة الغير القادرين مالياً أو من عائلات غير قادرة على اعالة ابنائهم في تنسيق الجامعات لجذب وتشجيع هؤلاء المتفوقين للالتحاق بكلياتهم.

المنح الدراسية في الجامعات الخاصة المصرية :-

عندنا في مصر جامعات خاصة كتير جدا والجامعات دي برضو تعليمها كويس جدا الجامعات دي بتقدم منح للطلاب المتفوقين في الثانوية العامة واللي وقفت معاهم الكليات اللي عايزينها علي حاجات بسيطة وكمان علي حسب الحالة المادية والاحتياج. تعالوا بقي نشوف ايه هي منح الجامعات الخاصة دي.


مواعيد الاعلان عن المنح :-

المنح دي بيبدأ الاعلان عنها من اول شهر 8 وتختلف من جامعة لجامعة في اي وقت من الشهر وبتعرف بيها يا اما عن طريق موقع الجامعة الرسمي صفحات الجامعات علي الفيسبوك او وسائل التواصل الاجامعي التانية او انك تروح تسأل في الجامعات وتتأكد من التفاصيل بالظبط.


ايه الجامعات اللي بتقدم المنح:-

1- جامعة مصر للعلوم والتكنولوجيا MUST
2- جامعة 6 اكتوبر O6U
3- جامعة الحديثة للتكنولوجيا والمعلومات MTI
4- جامعة مصر الدولية MIU
5- جامعة النهضة في بني سويف
6- الجامعة الروسية في مدينة بدر
7- جامعة حورس بدمياط الجديدة
8- جامعة بدر في القاهرة
9- جامعة دراية في المنيا
10- جامعة فاروس في اسكندرية
(ممكن جامعات تانية تنزل منح الله اعلم احنا في الانتظار)


الشروط والأهلية :-

1- خريج مدرسة حكومية مصرية يعني ده مش متاح للمعادلات

2- لازم تكون مصري ابن مصري ابن مصرية

3- متخرج من الثانوية العامة في نفس السنة اللي هتقدم فيها يعني السنة دي 2021 يبقي لازم تكون مخلص ثانوي في السنة دي مش سنة قبل كدة

4- بالنسبة للمجموع ان تكون معدي ال90 % او هتلاقي ان في جامعات ليها الحد الادني والتنسيق الداخلي بتاعها يعني مثلا لو انت هتقدم صيدلة والتنسيق الداخلي في الجامعة دي ان الحد الأدني لصيدلة 96 يبقي لازم تكون جايب الحد الأدني ده ولو كتر يبقي كويس وده زي اللي في جامعة مصر ممكن تكون كل الجامعات كدة وكلهلم ليهم تنسيق داخلي المهم تكون جايب مجموع عالي ان شاء الله

5- شرط مهم جدا انك تكون مقدمتش يعني مملتش الابلكيشن بتاع الجامعة يعني مروحتش الجامعة وومليت ابلكيشن عشان تقدم

(شروط عامة في كل الجامعات ممكن يكون في جامعة ليها شروط تانية بس الحاجات دي تقريبا ثابتة في الكل)


المستندات المطلوبة :-

1- شهادة الثانوية العامة بتاعتك اللي اخدتها السنة دي من المدرسة وكمان بيان الدرجات وده بتجيبه من الادارة التعليمية اللي انت تابع ليها وبيسألك عن الجهة اللي هو موجهة ليها فلو كذا جامعة مضطر تجيب اكتر من واحد وتمنه 20 جنية تقريبا.

2- محتاج تجيب مفردات مرتب السيد الوالد ملكش انت دعوة قوله هو وخليه يتصرف وبرضو محتاج اكتر من واحد لو هتقدم في اكتر من جامعة.

3- محتاج تعمل بحث اجتماعي ويكون الجهة الموجهة لها الجامعة اللي هتقدم فيها يعني لو هتقدم في كذا جامعة يبقي تعمل بحث اجتماعي لكل جامعة وده بيتعمل في مجلس المدينة او المجلس المحلي في البلد عندكم تقريبا المهم ايا كان قول لبابا وهو هيعمله برضو.

4- محتاج انك تجيب اثبات قيد من المدرسة بتاعتك وكمان تجيب اثباتات قيد لاخواتك لو هم في التعليم برضو. وعلفكرة من الشروط برضو اللي نسيتها انه مش يكون ليك اخوات في جامعات خاصة

5- محتاج يا سيدي انك تجيب صور بطايق البيت كله انت وبابا وماما وكل اخواتك ولو مش معاه بطايق يبقي تجيب شهادات الميلاد .


(مستندات عامة في كل الجامعات ممكن يكون في جامعة ليها مستندات تانية بس الحاجات دي تقريبا ثابتة في الكل).


مميزات المنح دي :-

1- مقعد دراسي مجاني يعني مش بتدفع حاجة من المصاريف اللي موجودة في الصور دي
2- بتدفع ثمن الكتب
3- بتدفع بس تأمين علي المعامل بيختلف تنمه من جامعة لجامعة

شروط استمرارية المنحة :-
1- انك تكون جايب تقدير جيد كحد ادني كل سنة ممكن ده يختلف من جامعة لجامعة فلازم تسأل وتتأكد برضو


لو جايب فوق 90 قدم بشري
لو جايب فوق 89 قدم صيدلة او اسنان
لو جايب فوق 88 قدم علاج طبيعي
لو جايب فوق ال 80 في علمي رياضة قدم هندسة

التسجيل في منحة الجامعات الخاصة بالرئيس السيسي

ونقدم لكم فيما يلي، خطوات التقديم في منح الجامعات الأهلية للطلاب الراغبين بالانضمام إليها:

  • يرجى التسجيل باستخدام جهاز حاسب آلي وعدم استخدام التليفون المحمول لضمان نجاح عملية التسجيل
  • من قام بالتسجيل المبكر على موقع إحدى الجامعات المصرية الأهلية، عليه مراجعة وتحديث واستكمال بيانات التسجيل بالدخول بالبريد الإلكتروني (اسم المستخدم) وبالرقم القومي (كلمة المرور). وعليه إعادة تحديد واختيار كلمة مرور جديدة له.
  • يستطيع الطالب المسجل لأول مرة أو الذي سجل من قبل، بتحديث بياناته وتعديل الرغبات حتى موعد انتهاء التسجيل(وسيعلن عنه في حينه)
  • يجب أن يكون البريد الإلكتروني للطالب مفعل وصالح للاستخدام قبل البدء في خطوات التسجيل، حيث أنه هو الوسيلة الأساسية للتواصل مع الطالب
  • لا يمكن تكرار أي من البريد الإلكتروني أو الرقم القومي الخاص بالطالب في بيانات التسجيل حيث أنها بيانات مميزة لكل طالب.
  • يتم إدخال جميع الارقام بعد تحويل لوحة المفاتيح للكتابة باللغة الإنجليزية.
  • الطالب مسؤول مسئولية كاملة عن صحة ودقة البيانات المسجلة.
  • تأكد من كتابة الاسم والرقم القومي كما هو وارد بشهادة الميلاد
  • يجب الاحتفاظ بكلمة السر وعدم إفشائها لأي شخص حتى لا يتم تعديل بياناتك دون علمك
  • يحق للطالب التسجيل في عدد يصل إلى 20 رغبة، وتكون كل رغبة محددة باسم الجامعة واسم البرنامج طبقا لما هو موضح في الملف المرفق pdf (أضغط هنا)
  • سيتم مراجعة أوراق الطلاب المرفوعة على الموقع، ومراجعتها بشكل مبدئي، وسيتعرض الطالب الذي يرسل بيانات غير صحيحة للمحاسبة القانونية.

أنا كدة جبتلكم الخلاصة عن منح الجامعات الخاصة المصرية لطلاب الثانوية العامة. واستنوا بوستات كتير جاية عن المنح الدراسية برة مصر
اللي متحاج اي حاجة يتفضل ممكن يتفضل يدخل الجروب بتاعنا على الفيسبوك الخاص بالأسئلة والستفسارات عشان كل الناس تعرف وتستفيد من الاسئلة المهمة واعمل منشن لاحي حد ثانوية عاملة تعرفه
بالتوفيق للجميع.

لينك جروب الأسئلة والإستفسارات من هنا


لنبقي علي تواصل

صفحتنا علي الفيسبوك المنحة

قناتنا علي تلجرام المنحة

حسابنا علي انستجرام

حسابنا علي لينكد ان

حسابنا علي تويتر

مجموعتنا المخصصة للمنح الدراسية

من هنا

التالي
منح دراسية لدراسة الماجستير في جامعة لوزان في سويسرا